शिवतेज करिअर अकॅडमीमध्ये विद्यार्थ्यांच्या शारीरिक क्षमतेचा विकास करण्यासाठी आणि मानसिक बळकटीसाठी अत्याधुनिक सुविधा उपलब्ध करून देण्यात आल्या आहेत.
पोलीस व सैन्य शारीरिक चाचणीसाठी अत्यंत महत्त्वाचा असलेला १६०० मीटर धावण्याचा ट्रॅक उपलब्ध आहे. लांब उडी, गोळाफेक आणि पुल-अप्स बार्सची राष्ट्रीय मानकांप्रमाणे रचना केली गेली आहे.
दूरवरून येणाऱ्या मुला-मुलींसाठी अकॅडमी आवारातच स्वतंत्र, सुरक्षित आणि शिस्तबद्ध राहण्याची सोय. सैन्य शिस्तीनुसार दिनक्रम पाळणे बंधनकारक असून राहण्यासाठी स्वच्छ खोल्या उपलब्ध आहेत.
मैदानी सरावानंतर शरीराला लागणारे प्रथिने आणि ऊर्जा देणारा सकस आहार मेसमध्ये पुरवला जातो. आहारात मोड आलेली कडधान्ये, अंडी, दुध, आणि चौरस घरगुती जेवणाचा समावेश असतो.
अकॅडमीमध्ये अत्यंत माफक दरात प्रवेश दिला जातो जेणेकरून गरीब शेतकरी कुटुंबातील गुणवंत मुले शिक्षणापासून वंचित राहणार नाहीत. शहीद सैनिकांच्या पाल्यांसाठी अकॅडमीमध्ये मोफत प्रवेश दिला जातो.
